Prej disa ditësh vazhdon zjarri në Malësinë e Kurbinit, ndërsa njoftohet se ditën e sotme zjarri i është afruar edhe më shumë banesave në fshatin Skuraj. Mësohet se ndërhyrja nga toka është e vështirë, pasi terreni është shumë i thepisur, ndërsa Ministria e Mbrojtjes nuk ka marrë asnjë masë për të bërë ndërhyrjen nga ajri.
Ndërsa flakët janë favorizuar nga era që ka fryrë gjatë natës, duke përhapur edhe më shume zjarrin, çka kanë bërë që të shkrumbohen dhjetëra hektarë pyje dhe kullota. Banorët shprehen të zemëruar dhe të irrituar me instancat shtetërore për të cilët thonë se i kanë lënë në baltë. Prej dy ditësh zjarri është përhapur në Malin e Bardhë duke rrezikuar dhe banesat. Banorët shprehen se e vetmja mënyrë për të shuar zjarrin është ndërhyrja nga ajri por që deri tani nuk ka ndodhur.
Discussion about this post