Me pankarta në duar e të trishtuar dhjetëra qytetarë kanë dalë në Durrës, ku po kryejnë homazhe në kujtim të të miturit Mateo Vllasiu, viktima e pafajshme që u masakrua paraditen e 16 nëntorit nga 38- vjeçari Klodian Çalamani.
“Që të rritem duhet të jem gjallë”, “Mos na i ndërprisni ëndrrat”, “Mbroni fëmijët të ardhmen tonë”…janë këto disa nga pankartat të cilat kanë mbajtur në duar disa prej fëmijëve në qytetin e Durrësit.
Po ashtu shumë aktivistë, prindër dhe fëmijë ndezën qiri, mbajtën një minutë heshtje dhe hodhën tullumbacet në ajër. Qytetarët e Durrësit ndajnë dhimbjen dhe shprehen njëzëri të revoltuar për këtë situatë. Ata shprehen se duhet të bëhet diçka që kjo gjë të parandalohet, pasi është alarmante për shoqërinë dhe institucionet shtetërore.
Homazhet për vogëlushin që u vra në mënyrë makabre, janë shtrirë në disa qytete, mes tyre edhe Durrësit. Në fund qytetarët kanë hedhur në qiell edhe tullumbace të bardhë, për Mateon e vogël.
Ngjarja
Për të do të ishte dita e fundit e shkollës dhe xhiroja e fundit me biçikletë. Ende pa asnjë arsye që e justifikon këtë krim makabër, i mituri u rrëmbye dhe u vra gjakftohtësisht nga monstra Klodian Çalamani.
Vrasja e të miturit është një rast që kalon çdo kufi të çnjerëzores, pasi ai u rrëmbye, u vra me lopatë dhe u gropos, në strofkën e monstrës Klodian Çalamani.
Një njeri i alkoolizuar e i dënuar më parë për pengmarrje, u ndëshkua nga drejtësia vetëm ne 4 vite burg, ndërsa rasti i torturimit e kërcënimit të një të mituri në 2006 u la në harresë.
Ka qenë nëna e të miturit, Florida e cila në orën 15:30 ka bërë denoncimin e polici, pasi djali i saj ishte zhdukur dhe nuk kishte asnjë gjurmë. Të gjithë nisën kërkimet nëpër lagje por Mateo nuk ishte askund. Pas denoncimit, efektivët e policisë kanë nisur hetimet dhe nga kamerat e sigurisë u zbulua se komunikimi i fundit i të mitur ka qenë me Çalamanin. Duke marrë shkas edhe nga e shkuara e tij efektivët kanë kryer kontrolle në banesë, ku vrasësi ka shfaqur shenja nervozizmi. Gjatë marrjes në pyetje, ai është dorëzuar dhe ka pranuar krimin horror, ku përveç se e kishte vrarë edhe e kishte groposur në oborrin e shtëpisë. Efektivët janë rikthyer edhe një herë në banesën e të riut dhe aty kanë gjetur trupin e pajetë të 8-vjeçarit të mbuluar me baltë.
Kush është Klodian Çalamani?
Vrasësi Klodian Çalamani mësohet se e njihte fëmijën që vrau. 8-vjeçari ishte nip i shokut të autorit, me të cilin në 2006 kanë rrëmbyer një vajzë dhe kanë torturuar e kërcënuar se do e gjymtonin.
Shoku Florian Vasiu pëlqente vajzën, por ajo nuk i përgjigjej kësaj ndenje, pasi ishte e lidhur me dikë tjetër. Pikërisht i dashuri i saj ka ndaluar të rinjtë dhe i kanë thënë që të mos e bezdisnin më vajzën. Ky veprim i të dashurit të vajzës ka acaruar të Çalamanin dhe Vasiun, të cilët e kanë marrë peng dhe e kanë torturuar për 20 minuta, duke e kërcënuar se do i shëmtonin pjesë të ndryshme të trupit, më konkretisht gjoksin duke ia prerë me biçak. Nga hetimet e Prokurorisë së Fierit ka rezultuar se për të arritur qëllimin e tyre, Klodiani ka kërcënuar edhe motrën e tij, E. Çalamani, e cila është përdorur për të futur në kurth adoleshenten. Aso kohe, dy të rinjtë u dënuan nga Gjykata e Fierit, me nga katër vjet burgim për veprën penale të heqjes së lirisë të kryer në bashkëpunim, bazuar në nenin 110/2 të Kodit Penal.
Discussion about this post