Opsione të ndryshme janë dhënë mbi zhdukjen e ministrit rus Sergei Shoigu nga ekrani, i cili pak kohë më parë kundërshtoi Putin për pushtimin e Ukrainës. I fundit që zbulon detaje të reja mbi vendndodhjen e tij është ish-oficeri i inteligjencës së KGB-së, Yuri Shvets. Shvets ka qenë njëkohësisht ish-shoku i klasës së presidentit rus Vladimir Putin.
Gjatë një interviste me kryeredaktoren e botimit “GORDON” Ales Batsman, Shvets tregoi se zyrtari i lartë rus ka qenë i zënë me kërkimin e municioneve kohët e fundit. “Më shumë i gjallë se i vdekur, do t’ju përgjigjesha diplomatikisht”, komentoi ai informacionin për përkeqësimin e shëndetit të Shoigu-s dhe Shefit të Shtabit të Përgjithshëm të Forcave të Armatosura të Rusisë, Valery Gerasimov.
“Fabrikat janë boshe ose kapacitetet nuk mundësojnë më. Dhe kështu ata nxituan te kinezët. Dhe kinezët thanë “jo” … Kjo është një situatë kaq e trishtuar për ta. Ndoshta në lidhje me këto kërkime … ndoshta ata po kërkojnë municion diku me ndihmën e shamanëve”, shtoi Shvets.
Ministri nuk është shfaqur në rrjetet sociale dhe transmetimet televizive që prej datës 11 mars. Më pas, u shfaq informacioni se kreu i Ministrisë së Mbrojtjes Ruse dyshohet se vuante nga sëmundjet e zemrës. Zëdhënësi i Putin-it, Dmitry Peskov u përgjigj se tani “nuk është koha për aktivitet mediatik”.
Discussion about this post