Në atentatin e ndodhur para pak minutash në zonën e Astirit, mbetën të vrarë Erigers Mihasi dhe Armando Dumani.
Viktima Erigers Mihasi, i njohur ndryshe si “boli”, është i njohur për policinë, pasi është një personash i botës së krimit i liruar në muajin korrik 2019 nga prokuroria e Gjirokastrës për mungesë provash në ngjarjen e dhunimit dhe grabitjen e prindërve të Elton Çiços.
Ai gjithashtu dyshohej nga prokuroria si personi kryesor që ka qëlluar me armë zjarri ndaj kushërinjve Mumajesi në Tiranë. Mihasi në këtë krim ka bashkëpunuar ngushtë edhe me Santiago Malkon, i cili mbeti i vrarë me 10 plumba në zonën e Porcelanit. Dy personat që njihen nga policia e Shtetit si kontigjentë kriminalë dhe pjesë e një grupimi kriminal në kryeqytet, kanë qenë të dyshuarit kryesorë por çuditërisht asnjëri prej tyre nuk është arrestuar, megjithëse kanë qenë në kërkim policor, por që më pas i është anolluar kërkimi si pasojë e përfundimit të afatit.
Goditja me armë e Rivelino dhe Juxhin Mumajesi, si dhe plagosja e mikun të tyre, Ibrahim Durollari, ka ndodhur gati një vit pasi Erigres Mihasi shok i Ervis Martinaj, dyshohet se është përfshirë në një ngjarje tjetër kriminale në Laç, ku ka mbetur i plagosur Rudolf Toma, në vitin 2017, ky i fundit punonjësi bashkisë së Kurbinit.
Në këtë ngjarje ka marë pjesë një grup i përbërë nga pesë persona, i pajisur me armatim si pistoletë dhe automatik kallashnikov, të cilët kanë sulmuar me armë, shkelma dhe grushta grupin e të rinjve ku ndodhej dhe Rudolf Toma. Si pasojë e të shtënave më armë është plagosur punonjësi i bashkisë së Laçit, Rudol Toma. Prokuroria dhe policia e Laçit kanë ngritur dyshime forta se në këtë ngjarje kriminale janë përfshirë për motive të paqartë dy persona, të cilët kohët e fundit kanë qënë të implikuar në ngjarje krimianale.
Fabian Gaxha, mik i Ervis Martinaj i mbetur i vrarë në masakrën e 4 tetorit 2018 në zonën e ish-bllokut ka qënë pjesë e këtij grupi prej pesë persona që ka sulmuar me armë grupin e të rinjve në qytetin e Laçit. Së bashku me Gaxha, policia e Laçit ka ngritur dyshime të forta se ka qenë dhe Elio Hato dhe Erigres Mihasi, edhe këta të fundit shokë të biznesmenit Ervis Martinaj.
Nga hetimet e kryera pavarësisht se kamerat filmike tregojnë të gjithë ngjarjen e plotë, ku shfaqet dinamika e këtij krimi të rëndë të ndodhur në Laç, mësohet se sot e kësaj dite asnjë nga personat si Erigres Mihasi dhe Fabian Gaxha, nuk janë arrestuar. Ndërkohë i ndodhur në liri Mihasi dyshohet se ka vepruar në bashkëpunim edhe me Santiago Malkon, në ngjarjen e qershorit 2018, ku dyshohet se kanë qëlluar me armë zjari në drejtim të Rivelino dhe Juxhin Mumajesi, si dhe plagosja e mikun të tyre, Ibrahim Durollari.
Në videon e plagosjes së vëllezërve Mumajesi në Tiranë, ku të dyshuar janë ish-efektivi i policisë i vrarë, Santiago Malko dhe Erigres Mihasi, ose siç njihet me pseudonimin “Boli”. Bëhet fjalë për një ngjarje të ndodhur më 28 Qershor të 2018-tës, në të cilën mbetën të plagosur tre persona, vëllezërit Rivelino dhe Juxhin Mumajesi 36 dhe 24 vjeç dhe Ibrahim Durollari, 28 vjeç.
Discussion about this post