Elton Javori, 41 vjeç, mbeti viktimë e një atentati që ndodhi mesditën e sotme në Fier, ndërsa Policia ka shpallur në kërkim Agim Gashin, si autor të dyshuar të krimit.
Viktima u qëllua vetëm 100-150 larg banesës së tij, në lagjen 16 prilli, atje ku duket se autori i dyshuar i krimit e priste.
Grupi hetimor po heton në të paktën dy pista lidhur me vrasjen: të shkuarën e viktimës i cili kishte vetëm pak kohë që ishte kthyer nga Gjermania, dhe një konflikt të para dy javëve që 41-vjeçari ka pasur me autorin e dyshuar.
Gjithashtu grupi hetimor po mbledh pamjet nga kamerat e sigurisë përsa i takon itenerarit që ka ndjekur viktima, pasi dyshohet se autori i dyshuar është njoftuar nga një person tjetër lidhur me vendndodhjen e 412-vjeçarit.
Nga raportimet mësohet se viktima po kthehej në banesën e tij me mjetin tip Porsche, kur një automjet “E Class” i ka qëndruar paralel. Javori ka hapur xhamin e makinës, ndërsa ndaj tij është qëlluar me dy plumba pistolete nga automjeti tjetër që drejtohej nga Gashi.
Referuar kamerave të sigurisë, pamjet e të cilave janë sekuestruar nga policia, pas kryerjes së krimit, automjeti “E Class” është kthyer djathtas në rrugën “Llukan Toska”, ndërsa makina ku ndodhej viktima ka ecur për disa metra dhe më pas është ndalur.
Discussion about this post