Imazhe tronditëse janë shfaqur nga Ukraina duke treguar një burrë që qan mbi trupin e babait të tij mes rrënojave të një sulmi raketor, pavarësisht se presidenti rus Vladimir Putin pretendoi se ai shpalli luftë për të mbrojtur civilët pasi urdhëroi një pushtim të plotë këtë mëngjes.
Rusia nisi sot sulme të njëhershme nga jugu, lindja dhe veriu, nga toka dhe nga ajri, duke vrarë të paktën 40 civilë në mesditë, duke përfshirë një djalë të ri në një bllok apartamentesh në Kharkiv, bënë me dije autoritetet ukrainase.
Gjithashtu, civilë të tjerë u plagosën dhe disa të tjerë besohet se kanë vdekur në 203 sulme të nisura deri më tani nga forcat ruse, tha policia ukrainase pasi tanket u kaluan përtej kufirit dhe trupat u hodhën me parashutë në rajonet lindore më herët sot.
Në qytetin lindor të Ukrainës, Chuguiv, një djalë qante mbi trupin e babait të tij mes rrënojave të një sulmi rakete në një lagje banimi. “I thashë të largohej”, thoshte burri vazhdimisht me ngashërim, pranë rrënojave të një makine.
Ministria ruse e Mbrojtjes ka pohuar se nuk ka në shënjestër qytete apo civilë dhe në një përpjekje të deformuar për të siguruar ukrainasit thanë se nuk kishte ‘asnjë kërcënim për popullatën’ sepse forcat e Moskës po përdorin armë precize.
Fotot e sotme treguan fytyrën e vërtetë të luftës me civilë të mbuluar me gjak që dërgohen në vende të sigurta nga shërbimet e urgjencës pas bombardimeve dhe të tjerë me lëndime në kokë, fytyrë dhe krahë duke u fashuar nga mjekët.
Pamjet e jashtëzakonshme të pushtimit u dokumentuan në internet me video të asaj që dukej të ishte një raketë lundruese që përplaset në aeroportin Ivano-Frankivsk, në perëndim të Ukrainës. Ndërkohë aeroporti kryesor ndërkombëtar i Kievit u godit në bombardimin e parë të qytetit që nga Lufta e Dytë Botërore dhe sirenat e sulmit ajror u dëgjuan mbi kryeqytet në agim.
Discussion about this post