Mes viktimave nga zjarri në Spitalin Modular të Tetovës i cili para dy ditësh u shkrumbua nga flakët, kishte 8 gra dhe 6 burrave.
Mësohet se viktimat janë të moshës nga 29 deri në 78 vjeç. Prej tyre, 12 ishin të hospitalizuar si pacientë me koronavirus.
Nga viktimat, mësohet se dy prej tyre nuk ishin të shtruar, por kujdeseshin për të sëmurët. Bëhet fjalë për bashkëshorten e një të shtruari dhe vajzën e një gruaje me Covid.
Maqedonia e Veriut ka shpallur tri ditë zie në të gjithë territorin e saj, pas zjarrit që përfshiu të mërkurën mbrëma Spitalin modular, ku trajtoheshin pacientët me Covid, me ç’rast 14 pacientë mbetën të vdekur. Kryetarja e Komunës së Tetovës, Teuta Arifi, paralajmëroi ndihmë financiare për familjet e viktimave. E presidenti i Maqedonisë së Veriut, Stevo Pendarovski, ka bërë të ditur se është thirrur edhe ekspertiza e jashtme që do të ndihmojë në zbardhjen e rastit.
