Nënkryetari i LSI, Petri Vasili ka ngritur akuza ndaj SPAK-ut. Sipas tij, kjo strukturë është e kapur dhe nuk ka bërë asnjë hetim në lidhje me numrin e viktimave të regjistruara nga Covid-19 në vendin tonë, ku akuzon se ato janë fshehur.
FMN ka konfirmuar se Shqipëria kishte numrin më të lartë të vdekjeve, për shkak të virusit.
“Qeveria jo vetëm i fshehu vdekjet dhe i hidhëroi dyfish shqiptarët, që kanë humbur familjarët e tyre, por kreu edhe një krim të vërtetë shtetëror. Të vërtetat për Covid-in dhe qëndrimin kriminal të qeverisë së rilindjes kanë marrë dhenë brenda dhe jashtë Shqipërisë”, thekson nënkryetari.
Për shkak të kapjes, SPAK është vendosur në pozicionin e antiligjit.
“Kaq i kapur është SPAK-u sa që as vdekjet nuk e lëvizin nga vendi dhe jo më të luftojë krimin e organizuar dhe korrupsionin”, ka përfunduar Petrit Vasili.
