Lorenco Vila u rikthye të luajë për Teutën pas disa muajsh mungesë për shkak dëmtimi. Ai ka theksuar ndër të tjera se bregdetarët do të shkojnë shumë larg këtë sezon.
‘Pas atij rezultati jo të mirë ndaj Tiranës, është normale që skuadra të kalojë një moment të vështirë. Fitorja e kësaj jave ishte e rëndësishme për skuadrën në momentet që ka kaluar. Ne e kemi treguar në të shkuarën se dimë të ringrihemi shpejt dhe kjo gjë vjen falë grupit. Jemi të bashkuar për një qëllim, të marrim fitore në çdo takim.
Është e vështirë ta parashikosh, por në këtë kampionat ka ekipe që janë më të organizuara. Do të jetë një luftë e fortë. Shumë skuadra pretendojnë, por e rëndësishme është që ne te Teuta të mendojmë për ndeshjet tona, pasi kështu mund të shkojmë larg”, theksoi Vila.
