Fjalët e Vinicius Jr, yllit të Real Madridit dhe kombëtares braziliane, i cili ka vënë në pikëpyetje organizimin e Botërorit 2030 në Spanjë, vazhdojnë të diskutohen pas incidenteve të fundit të racizmit të regjistruara në stadiumet e La Liga-s.
Përpos kryebashkiakut të kryeqytetit iberik, as ish-portieri i Valencias dhe Realit, Santiago Canizares, nuk i vlerësoi deklaratat e 24-vjeçarit nga Los Blancos.
Nga fyerjet raciste në Mestalla, lotët në një nga konferencat e tij të fundit për shtyp, deri tek fjalët që tronditën një vend të tërë.
Por ka nga ata që nuk janë dakord dhe duan të mbrojnë imazhin e Spanjës, edhe në funksion të Kupës së Botës 2030:
“Nëse Vinicius nuk është shumë i dashur në Spanjë, kjo nuk është për shkak të racës së tij”, nënvizoi Canizares, tashmë bashkëpunëtor i transmetuesit spanjoll Cadena COPE.
“Ai bëri një gabim më parë duke thënë se e gjithë Mestalla ishte raciste dhe, tani, ai po e bën përsëri. Është çështje pjekurie. Unë preferoj të dëgjoj Carvajal ose De la Fuente…”.
Discussion about this post