Jemi në shekullin e 21-të dhe përsëri ka njerëz të prapambetur edhe primitivë që urrrejnë një person vetëm se ka një ngjyrë lëkure jo të njëjtë me ta. Rasti më në zë i ditëve të fundit është pa asnjë dyshim i Vinicius Jr. Sulmuesi i Realit të Madridit, vazhdon të jetë pre e sulmeve raciste në Spanjë, duke bërë që policia prokuroria në shtetin iberik të vihen në lëvizje.
Prej javësh drejt tij ka pasur ofendime nga më të ndryshmet, që kanë ndikuar jo pak te sulmuesi 22- vjeçar, i cili është edhe golashënuesi më i mirë i Realit të Madridit në këtë sezon me 14 gola.
Rasti më i fundit i sjelljeve me natyrë raciste ndaj tij ishte të dielën e kaluar në takimin në La Liga në Majorka. Teksa ai po nënshkruante autografe, në sfond dëgjoheshin britma “majmun, majmun”, pa harruar edhe prag sfidën e tensionuar kundër Atletiko Madrid për Kupën e Mbretit, ku disa banditë, tifozë të skuadrës së dytë të Madridit, shfaqën një kukull të varur në një mbikalim të autostradës që të dërgon drejt Aeroportit Barajas, gjë që skandalizoi jo vetëm Spanjën por të gjithë botën.
Sulmuesi brazilian ka shënuar edhe në takimin ndaj Al-Ahlit një nga 4 golat e fitores së Madridit, teksa vetë ai ka reaguar me anë të një postimi të ashpër në rrjetet sociale.
“Duhet të nisim sa nuk është vonë që të çojmë para drejtësisë e të ndëshkojmë të tillë persona. Në të kundërt rrezikojmë të kthehemi si shekuj më parë”, ka qenë mesazhi i Vinit në rrjetet sociale.
Discussion about this post