Rinovimi i kontratës së Vinicius është një proces që tashmë po zhvillohet mes menaxherëve të tij dhe klubit Real Madrid. Siç raportojnë mediat spanjolle nga burime që kanë marrë pjesë në negociata, Real Madrid ka telefonuar agjentët e lojtarit për të zbuluar shumën që braziliani dëshiron të rinovojë kontratën e tij, e cila përfundon në vitin 2027. Vinicius tashmë ka dhënë një përgjigje, dhe mbetet në pritje të përgjigjes së Real Madridit.
Kembëngulja e Arabisë Saudite për të nënshkruar yllin brazilian e ka detyruar klubin madrilen të bëjë një lëvizje tani, edhe pse kjo nuk ishte në plan. Kur negocioi për të qëndruar deri në 2027, Vinicius pranoi të merrte mesatarisht 15 milionë neto në sezon.
Madridi dëshiron të jetë i kujdesshëm për të ruajtur ekuilibrin e forcave të pagave mes 3 yjeve të tyre të mëdhenj, vetë Vinicius, Bellingham dhe Mbappé. Por tundimi është i madh pasi Arabia ofron për Vinicius 1 miliardë euro në 5 vjet. Është e qartë se Madridi nuk do të vijë kurrë në këtë shifër. Siç është gjithashtu e qartë se Vinicius nuk dëshiron të largohet. Sipas burimeve pranë lojtarit, verën e ardhshme do të ketë një “ofensivë të re saudite” dhe Madridi dëshiron ta zgjidhë çështjen para se të vijë ai moment.
Discussion about this post