Gjashtë persona janë vënë në pranga nga Policia pasi janë kapur duke vendosur baste sportive nëpërmjet aparateve celulare. Policia bën të ditur se në pranga kanë përfunduar personat me inicialet: G. Sh., 19 vjeç, E. A., 36 vjeç, E. I., 33 vjeç, A. Gj., 18 vjeç, I. N., 50 vjeç dhe S. Sh., 57 vjeç, banues në Tiranë.
Aparatet celulare që këta shtetas përdornin për vënien e basteve sportive, u sekuestruan në cilësinë e provës materiale.
NJOFTIMI I POLICISË:
Goditen nga Komisariatet e Policisë Nr. 2 dhe Nr. 4, 6 raste të organizimit të lotarive të palejuara. Vihen në pranga 6 shtetas që vinin baste sportive nëpërmjet aparateve celulare. Sekuestrohen 6 celularë që përdoreshin për këtë veprimtari të paligjshme.
Shërbimet e Komisariatit të Policisë Nr. 2 dhe të Komisariatit të Policisë Nr. 4, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, kanë intensifikuar kontrollet dhe gjatë tyre kanë evidentuar dhe goditur 6 raste të vënies së basteve sportive, nëpërmjet aparateve celulare.
Në vijim të veprimeve u arrestuan në flagrancë shtetasit: G. Sh., 19 vjeç, E. A., 36 vjeç, E. I., 33 vjeç, A. Gj., 18 vjeç, I. N., 50 vjeç dhe S. Sh., 57 vjeç, banues në Tiranë.
Aparatet celulare që këta shtetas përdornin për vënien e basteve sportive, u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Discussion about this post