Në javët e fundit vendi situatat pandemike në vendin tonë ka qenë mjaft e qetë. Edhe pse varianti Ba2 është më ngjitës se Omicron, kurba e të infektuarve nuk ka pësuar rritje, por më shumë detaje rreth kësaj situate ka dhënë sot kreu i Urgjencës në Tiranë, Skënder Brataj.
Ai tha gjatë një interviste televizive se, e koronavirusi nuk ka ikur, madje do të jetë pjesë e jona. Prandaj ai kërkoi që qytetarët duhet të vazhdojnë të ruajnë distancën dhe higjienën personale. “Periudhën kritike patjetër që e kemi lënë pas krahëve, është situata më e lehtë në këto dy vite, por mos të harrojmë që virusi është ende prezent, edhe në variantin e ri të Omicronit, i quajtur BA.2. Nuk duhet të harrojmë gjithashtu që ka rritje të shifrave në Europë dhe veçanërisht në Azi”, thotë Brataj.
Sipas Bratajt, mund të themi se sa më i transmetueshëm është virusi, aq më pak i rrezikshëm eshë ai. Kjo na lë më të qetë, sepse vetëm 3-5% përfaqëson raste të rënda. Më tutje, duke thëne se vera do të jetë përgjithësisht e qetë, ai tha se maskat duhet të mbahen në ambientet e mbyllura. Sakaq ai shton se “SARS COV-2 do të jetë pjesë e jona, mund të shfaqet herë pas here. Dobësimi i tij është pozitiv, dhe është pozitiv fakti që variantet e reja marrin si shënjestër rrugë të sipërme të frymëmarrjes, duke shmangur mushkëritë, siç ndodhte në fillim. Mirë është që në ambientet e mbyllura të mbahen maskat”, tha ai.
Discussion about this post