Avokati Saimir Vishaj u shpreh mbrëmjen e sotme në emisionin Top Story se korrupsioni në Ministrinë e Shëndetësisë, ku u arrestua Sekretarja e Përgjithshme, nuk është vetëm përgjegjësi individuale, por është edhe e Ogerta Manastirliut.
Vishaj tha se e arrestuara nuk shkoi në atë pozicion si Sekretare e Përgjithshme për shkak të meritës, por sepse e rekrutuan dhe këtu fillon përgjegjësia.
“Një ministre del përpara dhe thotë përgjegjësi individuale, jo moj shoqe sepse këtu përgjegjësia nuk është individuale, kjo është përgjegjësi e rekrutuesit. Kjo sekretare nuk vajti si pasojë e meritës e saj, ti e rekrutove përgjegjësia këtu fillon që nga rekrutimi. Madje me aq sa kam unë informacion është dënuar nga KQZ- sepse ka marrë pjesë në zgjedhje duke sponsorizuar. Paratë ne themi 300 mijë lek, po janë 3 milion lekë të të vjetra”, tha Vishaj.
Avokati gjithashtu kritikoi gjithashtu kreun e SPAK Altin Dumanin për rrjedhje informacioni.
“Drejtuesi i SPAK-ut që është zoti Dumani, aty ku kishim rrjedhje të informacioneve, në këto lloj korrupsioni SPAK-u doli zbuluar. Ti ke njoftuar kryeministrin. Rrjedhja e informacionit që ky subjekt duhet ta kishte mbajtur sekret nuk ka pse ti thojë kryeministrit”, tha Vrishaj.
Ndërkohë Vishaj komplimentoi SPAK-n për rastin e parë që kanë arrestuar një zyrtar.
“Jo gjithmonë duhet sharë SPAK-u. Është hera e parë e një zyrtari që i vendosin pranga për punën që bën apo për korrupsion. Kjo është hera e parë dhe duhet përgëzuar”, tha Vishaj.
Discussion about this post