Viti 2060 do jetë i rëndë për planetin sipas Newton, ja pse…

Shkencëtari Sir Isaac Newton dikur parashikoi se bota do të përfundojë në vitin 2060 dhe njerëzit kanë frikë se ai mund të ketë të drejtë.

Shkencëtari pionier që shkroi ligjin e gravitetit, ndërtoi teleskopin e parë dhe madje llogariti formën e saktë të Tokës, llogariti datën e fundit të kohërave.

Shumë njerëz e kanë parashikuar fundin e botës, që nga Shën Gjon Teologu në shekullin e parë pas Krishtit.

Por ndërkohë që mund të mos i merrni seriozisht shumicën e këtyre profecive, kur babai i shkencës moderne parashikon fundin e të gjitha gjërave, ndoshta ia vlen t’i kushtoni vëmendje. Sir Isaac Newton, i cili bëri shumë zbulime novatore në fizikë dhe matematikë, besonte se bota siç e njohim do të përfundonte në vitin 2060.

Kjo mund të jetë dukur shumë larg kur ai regjistroi llogaritjet e tij të hollësishme në 1704. Por sot është vetëm 37 vjet larg. Shumë prej nesh do të jenë ende gjallë kur të vijë ajo datë. Sondazhet e fundit tregojnë se rreth një në shtatë njerëz besojnë se botës do t’i vijë fundi gjatë jetës së tyre.

Njutoni përdori burime nga Bibla dhe shkrime të tjera fetare për të llogaritur një datë specifike kur bota siç e njohim do të marrë fund dhe do të zëvendësohet nga një “Mbretëria e Qiellit” në Tokë.