Partia Demokratike referuar shifrave të nxënësve të regjistruar për këtë vit të ri shkollor deklaron se është tronditëse rënia e numrit të fëmijëve që ulen në bankat e shkollës.
Drejtuesit e departamentit të Arsimit në PD, Lili Sula, shprehet se sistemi arsimor është përfshirë nga një krizë e thellë dhe se shkollat janë politizuar.
“Viti i ri shkollor 2024-2025, e gjen shoqërinë, familjen dhe komunitetet tona shkollore në krizën më të thellë që ka përjetuar ndonjëherë sistemi ynë arsimor – krizë që ka kapur të gjitha burimet e sistemit arsimor dhe shfaqet në: pamundësitë e burimeve financiare;– braktisjen e burimeve njerëzore; – politizimin e plotë të drejtimit dhe administrimit të shërbimit arsimor; – pamundësitë e infrastrukturave shkollore; asgjësimin e kurrikulave dhe inventareve të mjeteve dhe pajisjeve të domosdoshme të mësimdhënies. Ky viti i ri shkollor vjen në situatë tronditëse sa i përket rënies së numrit të nxënësve në shkolla. Në të gjitha Qarqet dhe Bashkitë e vendit raportohet rënie e mëtejshme e numrit të nxënësve të regjistruar në shkollë. Këtë vit do të kemi: më pak fëmijë në Kopshte; më pak nxënës në Arsimin Bazë; më pak nxënës në Arsimin e Mesëm! Më pak nxënës në Arsimin Profesional!”.
Discussion about this post