Vitin e ardhshëm do të zhvillohen zgjedhjet lokale në të gjithë Shqipërinë.
Në një kohë që emrat e kandidatëve zyrtarë nuk kanë dalë ende, vijojnë të diskutohen emra të mundshëm si pjesë e garës.
Një propozim të tillë e ka bërë dhe gazetari Arjan Çani.
Sipas tij, kandidati perfekt i Partisë Demokratike për kryetar Bashkie të Tiranës është mjeku Ilir Alimehmeti.
I ftuar në emisionin “Të Paekspozuarit” në MCN TV, Çani deklaroi se Alimehmeti është kandidat i duhur për Bashkinë. Ndërsa Enton Abilekaj tha se mediat pranë qeverisë u trembën nga mundësia e kandidimin e tij.
Arjan Çani: Alimehmeti nëse ka mbështetjen totale të Berishës dhe Metës, është super super kandidat. Nga imazhi dhe perceptimi është brilant. Nëse konfirmoht, i shkreti çfarë do heqi se do fillojnë mediat do ti gjejne tmerre, i sajojnë gjëra. Por, si ide, po të isha unë në vend të doktorit, e vija direkt.
Enton Abilekaj: Mediat e qeverisë e panë me panik pjesëmarrjen e tij në protestën e pedagogëve. Ai nuk ka konfirmuar gjë. Por, mediat e qeverisë të trembura e nxorrën si kandidat.
Discussion about this post