Besnik Mustafaj, ish-ministër i Jashtëm, tha se vizita e çdo Sekretari amerikan të Shtetit ka një rëndësi të veçantë dhe tërheq vëmendjen jo vetëm në Shqipëri, por kudo në çdo vend.
Mustafaj tha se Blinken nuk përcolli asnjë mesazh të veçantë, përveç atij të raporteve shumë të mira mes Shqipërisë dhe SHBA apo partneritetit mes dy vendeve. “Prita se çfarë mesazhi do të jepte, por nuk dha asnjë mesazh”, u shpreh Mustafaj në emisionin “Kjo Javë”.
Ai shtoi se diplomacia amerikane e ka të qartë që Lulzim Basha nuk përfaqëson opozitën reale në Shqipëri, por në anën tjetër PD e Berishës ka një mangësi, sepse nuk ka ende një person serioz që të mbulojë marrëdhëniet ndërkombëtare.
“Nga 1997 deri në 2005, Berishën nuk e ka takuar asnjë ambassador amerikan, por unë i kisha të përjavshme takimet me çdo diplomat. Unë i përcillja çdo kritikë me seriozitet maksimal. Sot mungon kjo gjë, qoftë Berisha ashtu edhe Edi Ramën e gënjejnë, sepse nuk i thuhet e vërteta siç është”, tha Mustafaj.
Ai theksoi se PD duhet të ketë një pikë kontakte serioze me ndërkombëtarët, ndërsa sot janë disa që merren sipas rastit.
Discussion about this post