Kryeministri Edi Rama, njëherazi edhe Kryetar i PS-së. e ka cilësuar si një domethënie të veçantë vizitën e Sekretarit amerikan të Shtetit, Antony Blinken në Tiranë.
Pas mbledhjes së Asamblesë së PS-së, Rama u pyet nga gazetarët lidhur me vizitën e Blinken, ndërsa u shpreh që fakti që gjen kohën të ndahet në kryeqytetin shqiptar, tregon atë se çfarë përfaqëson Shqipëria.
“Në radhë të parë besoj që ka domethënie të veçantë ardhja në Tiranë për kontekstin, në të cilin ndodhet sot Evropa dhe Bota, për kohën shumë të ngarkuar për një Sekretar Shteti, që gjen të nevojshme dhe vendos agjendën të ndalet në kryeqytetin shqiptar si pikë referimi për rajonin për ku e kemi ngritur në arenë ndërkombëtare dhe çfarë përfaqëson Shqipëria sot.
Shqipëria është forca e shembullit për të ndërtuar paqen, rrugët e bashkëpunimit një ardhme të përbashkët e kaluar e mbushur me tragjedi me prapambetje raste të humbura për t’i lënë një vend më të mirë gjeneratat”, tha Rama.
Discussion about this post