Kryetari i Partisë Republikane, Fatmir Mediu ka shkuar në Shtetet e Bashkuara të Amerikës dhe po zhvillon takime në Senat dhe Kongres. Gjatë vizitës, kryetari i PR-së, është takuar me senatorët Jim Inhofe, James Lankford, Mike Lee dhe kongresmenët, Pete Sessions, Michael McCaul e Mike Galler.
Në bisedat që kanë patur midis tyrë është diskutuar për organizimin e një forumi sigurie në Kongres me përfaqësues të Europës Juglindore, kryesisht të Ballkanit, për të vlerësuar problemet e shkaktuara nga pushtimi rus në Ukrainë. Një vëmendje e veçantë gjithashtu i është dhënë garantimit të pavarësisë energjetike të rajonit dhe Europës, nga Rusia si dhe mbështetjen që mund të japin SHBA-të.
Mësohet se është folur po ashtu për rolin që ka Shqipëria në ndërtimin e TAP, ku është vendosur në dukje se kompanitë amerikane po tregojnë gjithnjë e më shumë interes, për të bashkëpunuar me Shqipërinë në fushën e energjisë.
Discussion about this post