Ministri i Jashtëm rus Sergey Lavrov ka mbërritur në Kinë në vizitën e tij të parë në vend që kur Moska filloi pushtimin e saj të Ukrainës muajin e kaluar. Sipas Aljazeera, Lavrov do të marrë pjesë në dy takime shumëkombëshe për Afganistanin së bashku me përfaqësues nga Pakistani, Irani, Taxhikistani, Turkmenistani dhe Uzbekistani.
Ministria e Jshtme e Kinës ka thënë se ministri i Jashtëm rus do të marrë pjesë gjithashtu në një takim të veçantë të “Trojkës së Zgjeruar” me të dërguar të posaçëm për Afganistanin nga Kina dhe Shtetet e Bashkuara.
“Kina, SHBA, Rusia dhe Pakistani janë të gjitha vende me ndikim të rëndësishëm në çështjen afgane,” tha zëdhënësi i ministrisë Wang Wanbin.
Kina nuk e ka njohur qeverinë talebane të Afganistanit, por është përmbajtur nga kritikat e ashpra të bëra nga SHBA dhe të tjerët. Nuk është e qartë nëse Lavrov dhe homologu i tij kinez Wang Yi do të takohen jashtë bisedimeve për Afganistanin.
Discussion about this post