Vizita e presidentit italian në Tiranë, pritet në takim nga Begaj

Presidenti Bajram Begaj, ka pritur homologun italian Sergio Mattarella. Kreu i shtetit italian ndodhet për një vizitë zyrtare 2 ditore në Shqipëri.

Pas takimit, mes dy Presidentëve pritet të ketë edhe një deklaratë për median.

Gjithashtu gjatë kësaj vizite Presidenti Mattarella do të zhvillojë takime edhe me zyrtarë të lartë të shtetit shqiptar. Po ashtu presidenti do të takohet dhe me përfaqësues të komunitetit italian.

Vizita zyrtare e numrit 1 të shtetit italian vjen vetëm pak kohë para zgjedhjeve të parakohshme të 25 shtatorit në Itali. Pas vizitës në Tiranë, Presidenti italian do të udhëtojë drejt Shkupit në Maqedoninë e Veriut.