Kryebashkiaku i zgjedhur i Himarës, Fredi Beleri ka komentuar vizitën e kryeministrit Edi Rama në Athinë.
Ai akuzon kryeministrin se dëshiron të provokojë me takimin që po zhvillon me emigrantët në stadiumin ‘Galatsi’.
“Zgjedhja e ditës së sotme për vizitën e kryeministrit shqiptar në Athinë nuk është e rastësishme”, tha Beleri në mesazhin e tij nga burgu i Fierit.
Ai shprehet gjithashtu se sot bëhet plot një vit nga arrestimi i tij. Sipas Belerit, Rama zgjodhi këtë ditë pasi e ka shqetësuar kandidimi i tij për eurodeputet i Partisë ‘Demokracia e re’ të kryeministrit grek Kyriakos Mitsotakis.
“Zgjedhja e ditës së sotme për vizitën e kryeministrit shqiptar në Athinë nuk është e rastësishme”, thotë Fredi Beleri, kryebashkiaku i zgjedhur i Himarës në mesazhin e tij dhënë nga burgu i Fierit, duke akuzuar kryeministrin shqiptar se dëshiron të provokojë me mitingun që po zhvillon në Athinë me emigrantët.
“Ai dëshiron të provokojë Greqinë, të bëjë një shfaqje force brenda Shqipërisë dhe të ulë moralin e grekëve në rajon. Ai nuk do t’ia dalë. Askush nuk mund të luajë me krenarinë dhe dinjitetin e helenizmit”, përfundon mesazhi i Fredi Beleri.
Discussion about this post