Presidenti i Republikës së Shqipërisë, Bajram Begaj ndodhet në një vizitë zyrtare në Kosovë, e para e kësaj natyre që pas marrjes së detyrës si kreu i Shtetit.
Pas takimit me krerët e institucioneve më të rëndësishme të Kosovës, Begaj e ka mbyllur vizitën në Kosovë në një banket të shtruar për të në Prizren.
Pas vizitës në Kompleksin e Lidhjes së Prizrenit, pasdite ai ka drekuar me kryetarin e Partisë Demokratike të Kosovës, Memli Krasniqin dhe kryetarin e komunës së Prizrenit, Shaqir Totajn.
“Pasdite e këndshme në kryeqytetin historik e kulturor të shqiptarëve, në Prizren, ku drekuam me Presidentin e Republikës së Shqipërisë, Bajram Begaj, dhe delegacionin e tij, të mirëpritur nga kryetari i Komunës së Prizrenit, Shaqir Totaj”, ka shkruar Krasniqi në Facebook.
Discussion about this post