Kreu i SPAK, Altin Dumani prej disa ditësh tashmë ndodhet në Shtetet e Bashkuara të Amerikës, ku është takuar me zyrtarë amerikanë si dhe agjentët e FBI.
Së fundmi, Dumani është takuar dhe me Ndihmës Sekretari Jim O’Brien dhe ish-ambasadoren amerikane në Shqipëri, Juri Kim.
Në një postim në rrjetet sociale, ndihmës Sekretari Amerikan i Shtetit, Jim O’Brien shkruan se SHBA mbështet Reformën në Drejtësi.
“Reforma në drejtësi që jep rezultate reale për popullin shqiptar duke treguar me veprime se askush nuk është mbi ligjin”. SHBA do të vazhdojë të mbështesë fuqishëm reformën në drejtësi”, shkruan ai, ndërsa thekson se ajo është thelbësore për të ardhmen e Shqipërisë në BE.
Reagimi i plotë:
“Kënaqësi që takova kreun e SPAK Altin dumani. Është impresionuese të shohësh se si reforma në drejtësi po jep rezultate reale për njerëzit në Shqipëri, duke treguar se askush nuk është mbi ligjin. SHBA do të vazhdojë të mbështesë fort reformën në drejtësi që është esenciale për të ardhmen europiane të Shqipërisë.”, –thekson zyrtari i larte amerikan, ku publikon edhe një fotografi me kreun e SPAK, Altin Dumani dhe ish-ambasadoren amerikane në Shqipëri, Yuri Kim.
Discussion about this post