Policia ka reaguar lidhur me grabitjen e ndodhur pasditen e sotme në një argjendari në zonën e Paskuqanit, në Kamëz.
Sipas informacionit paraprak, rreth orës 14:50, dy persona ende të paidentifikuar kanë hyrë në ambientet e argjendarisë në pronësi të shtetasit me iniciale L. L. dhe, nën kërcënimin e një sendi që dyshohet të ketë qenë armë zjarri, kanë marrë një sasi bizhuterish.
Menjëherë pas marrjes së njoftimit, shërbimet e Policisë kanë shkuar në vendngjarje, kanë ngritur pika kontrolli dhe po ushtrojnë kontrolle për lokalizimin dhe kapjen e autorëve.
Grupi hetimor po punon për administrimin e provave, identifikimin e autorëve dhe zbardhjen e plotë të rrethanave të ngjarjes.
Njoftimi
Më datë 05.08.2026, rreth orës 14:50, në Paskuqan, 2 shtetas ende të paidentifikuar, kanë hyrë në ambientet e argjendarisë në pronësi të shtetasit L. L. dhe duke kanosur punonjëset me send në dukje armë zjarri, kanë marrë një sasi bizhuterish.
Menjëherë pas marrjes së njoftimit, në vendngjarje kanë shkuar shërbimet e Policisë, të cilat kanë ngritur pika kontrolli dhe po kryejnë kontrolle për kapjen e autorëve.
Grupi hetimor po punon për fiksimin e çdo prove që do të çojë në identifikimin e autorëve dhe kapjen e tyre, si dhe dokumentimin e plotë të rastit.
gijotina.com/
Discussion about this post