Elton Lika dhe Armalind Rrokaj, që shihni në këtë foto, u kapën nga kamerat e sigurisë pak para se të hynin në zyrën e avokatisë në Tiranë, për të vjedhur nga kasaforta 9 mijë Euro.
Ata janë shpallur të dy në kërkim si autorë të ngjarjes së regjistruar në datën 28 Gusht të këtij viti dhe dyshohet se janë ndihmuar edhe nga shtetasja Eljona Rrokaj, e njohur edhe me mbiemrin Nelaj.
Edhe kjo e fundit e shpallur në kërkim.
Hetimet e kryera nga Komisariati nr. 2 përgjatë 6 ditëve, të ndihmuar edhe kamerat e sigurisë në zonë, treguan se Lika dhe Rrokaj kanë shkuar në zyrën e avokatisë, në një rrugë pranë Gjykatës Civile të Tiranës, kanë vjedhur brenda në kasafortë një shumë prej 9 mijë Eurosh.
Nga kontrollet e ushtruara, Policia gjeti në banesën e Armalind Rrokajt edhe 30 mijë Euro që dyshohet të jenë vjedhur, një makinë, veshje dhe mjete si kaçavidë apo dalta, që dyshohet se janë përdorur për hapjen e kasafortës dyerve.
Elton Lika, i njohur edhe me emrin Fatjon, është i njohur për policinë e kryeqytetit, si një nga anëtarët e grupit të ashtuquajtur “Hijet e natës”, që vepronin në Tiranë dhe kryenin vjedhje të kasafortave. /Tv Klan/
Discussion about this post