Bruzia kërkonte nga Kushtetuesja shfuqizimin e vendimeve të Gjykatës së Apelit dhe asaj të Lartë, që e kishin dënuar me 10 vjet burg, duke pretenduar shkelje kushtetuese gjatë procesit të saj gjyqësor.
Bruzia u arrestua dhe më pas u gjykua si bashkëpunëtore në vjedhjen e thesarit të Bankës së Shqipërisë, bashkë me Ardian Bitrajn, i dënuar me 13 vjet e 4 muaj burg. Ata u akuzuan për vjedhjen e 713 mln lekëe nga thesari i Bankës së Shqipërisë, process që kishte ndodhur mes 2010-2014.
Gjatë hetimit u provua se Bruzia i kishte krijuar kushte Bitrajt, duke e lejuar të futej në ambientet ku ndodheshin sasitë e parave, ku sipas rregullores nuk duhet të shkonte i vetëm. Vetë Bruzia gjatë gjykimit ka pretenduar se nuk e ka parë në asnjë rast të Bitrajn të merrte para dhe as t’i ketë krijuar atij mundësi veprimi.
Gjatë të gjitha proceseve gjyqësore Bruzia kërkoi shpalljen e pafajshme, por pa mundur të bindë trupet gjykuese në secilën shkallë gjykimi për pafajësinë e saj.
Për të njëjtën çështje u arrestua, hetua dhe gjykua edhe ish-Guvernatori Ardian Fullani, i cili më pas u shpall i pafajshëm, madje duke përfituar edhe një dëmshpërblim për kohën e qëndrimit të paraburgim.
Discussion about this post