Policia e Fierit ka arrestuar në flagrancë 66-vjeçarin J.M, banues në Strum, Roskovec, pasi është kapur duke vjedhur në banesën e një shtetasi, në fshatin Strum.
Gjithashtu policia e Fierit ka arrestuar në flagrancë 32-vjeçarin me inicialet K.M, banues në Lushnjë, pasi ditën e djeshme, në aksin rrugor “Çermë-Divjakë”, duke drejtuar motorin pa leje drejtimi, ka humbur kontrollin dhe ka dalë nga rruga dhe për pasojë është dëmtuar vetë 32-vjeçari dhe pasagjeri në motorin, 49-vjeçari me inicialet, N. B., të cilët ndodhen në spital, nën kujdesin e mjekëve.
Po nga këto struktura nisi procedimi penal në gjendje të lirë për 35-vjeçarin me inicialet, T. B., banues në Levan, pasi ditën e djeshme, në fshatin Jaru, duke drejtuar motorin, ka humbur kontrollin dhe ka dalë nga rruga dhe për pasojë është dëmtuar pasagjeri në motor, 79-vjeçari me inicialet C. B., i cili ndodhet në spital, nën kujdesin e mjekëve.
Ndërkohë policia e Lushnjës ka arrestuar në flagrancë 67-vjeçarin me inicialet, J. K., banues në Allprenaj, Lushnjë, pasi në banesën e tij është konstatuar lidhje e paligjshme e energjisë elektrike.
Po nga këto struktura u referuan materialet në Prokurori, pasi në fshatin Kolonjë, Lushnjë, në lokalin në pronësi të L. A., janë vjedhur 20.000 lekë. Po punohet për identifikimin dhe kapjen e autorit.
Gjithashtu policia e Lushnjës po punon për identifikimin dhe kapjen e autorit/ve pasi në fshatin Mizë, Divjakë, është tentuar të digjet automjeti tip “Volkswagen” në pronësi të 42-vjeçarit me inicialet J. K.
Materialet i kaluan Prokurorisë, për veprime të mëtejshme procedurale.
Discussion about this post