Policia e Lezhës ka vënë në pranga tre persona, për vepra të ndryshme penale, njëri prej të cilëve i shpallur më parë në kërkim.
Sipas njoftimit të policisë, është arrestuar A. Gj., 37 vjeç, banues në Fushë-Kuqe, Kurbin, i shpallur në kërkim kombëtar, pasi i ka marrë me anë të mashtrimit, automjetin tip “Volkswagen” shtetasit E. S., 31 vjeç, banues në Durrës.
Gjithashtu, në pranga ka rënë dhe L. I., 22 vjeç, banues në Fushë-Kuqe, Kurbin, pasi Policia, gjatë kontrollit në banesë gjeti doza më lëndë narkotike të dyshuara cannabis sativa, të cilat u sekuestruan në cilësinë e provës materiale, së bashku me automjetin.
Ndër të tjera, është bërë dhe arrestimi i K.P., 28 vjeç, banues në Lezhë, pasi duke drejtuar mjetin tip “Benz”, në aksin rrugor Lezhë-Shëngjin, ka humbur kontrollin e mjetit duke dalë nga rruga dhe për pasojë është dëmtuar E. P., pasagjer në këtë mjet.
Materialet hetimore i kaluan Prokurorisë së Rrethit Gjyqësor Lezhë, për veprime të mëtejshme.
