Dhjetë persona kanë rënë në prangat e policisë së Tiranës për vepra të ndryshme penale. Kështu, mësohet se është arrestuar E. J, 57 vjeç, pasi me datë 26.10.2021 dhe 27.10.2021 ka vjedhur portofolat e Sh. L dhe E. M. Gjithashtu, nga veprimet hetimore ka rezultuar se ky person është autor dhe i katër vjedhjesh banesash në Kavajë.
Është arrestuar në flagrancë E. K, 31 vjeç, pasi gjatë kontrollit fizik iu gjet dhe iu sekuestrua një sasi me lëndë narkotike kokainë.
Nga specialistët e Seksionit për Hetimin e Krimit Ekonomik dhe Financiar u bë arrestimi i L. L, 53 vjeç, pasi u kap duke drejtuar mjetin me leje drejtimi e dyshuar e falsifikuar.
Në pranga ka rënë dhe D. R, 24 vjeç, për veprën penale “Vjedhja”, pasi me datë 27.10.2021, ka vjedhur motomjetin e Xh.K, ndërsa një i mitur është arrestuar pasi i ka vjedhur telefonin qytetarit me iniciale Xh. Sh. Nga veprimet, ka rezultuar se ky person është autor edhe i 6 vjedhjeve të tjera (vjedhje dyqani, portofoli, një shumë parash në një biznes, të një varëse floriri dhe dy aparate celular).
As rastet e dhunës në familjes nuk mungojnë, pasi policia ka arrestuar në flagrancë N. H, 69 vjeç, për dhunë fizike dhe psikologjike ndaj bashkëshortes së tij, ndërsa një tjetër është arrestuar pasi dyshohet se ka ushtruar dhunë ndaj vajzës së tij së mitur, e cila ndodhet në spital për ndihmë mjekësore.
Specialistët e Qarkullimit Rrugor vunë në pranga I. F, 50 vjeç, A. K, 47 vjeç dhe N. Th, 20 vjeç, pasi u kapën duke drejtuar mjetet përkatëse në gjendje të dehur.
Gjithashtu, është arrestuar E. L, 38 vjeç, i cili vuan nga problemet e shëndetit mendor(skizofreni) pasi në ambientet e spitalit ka kanosur me anë të një pistolete zhurmuese infermierin e spitalit. Ne vijueshmëri të veprimeve, gjatë kontrollit të banesës, iu gjet e iu sekuestrua në cilësinë e provës materiale, 2 pistoleta (njëra zhurmuese dhe tjetra çakmak) një sasi fishekësh të ngjashëm me ato zhurmues si dhe disa veshje si ato të Policisë.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
