Kreu i Shtëpisë së Lirisë, Ilir Meta ka akuzuar qeverinë Rama se po bën vjedhje nëpër Tatime e Dogana përmes njerëzve të tij të besuar.
Në një takim më të rinjtë e Shtëpisë së Lirisë, Meta tha se lekët e vjedhura nga qeveria nuk kanë shkuar të bëjnë rritje proporcionale të pagave e pensioneve, pro që 1 km rrugë të jetë 6 herë më e shtrenjtë se në Serbi.
“Referendumi është mjeti kryesor që të rinjtë dhe të rejat të kenë në kontroll çdo rast klasën politike, Parlamentin, qeverinë dhe institucionet e tjera. Atë mjet që kemi në Kushtetutë ne do bëjmë një ligj që të jetë i zbatueshëm dhe kërkojmë mbështetjen tuaj për referendumin sepse është fuqia e popullit, e vetë të rinjve që t garantojnë një sistem të qëndrueshëm demokratik, ligjor dhe ekonomik. Mungesa e perspektivës së të rinjve, e krijimit të vendeve të reja të punës i shtyn të rinjtë të bëhen pjesë e industrisë mizore të drogës, Fillimisht të josh pastaj të bën të varur, të rrëmben në krahët e saj. Prioritet për ne është që të rinj të socializohen sa më shumë, të merren me sport, të rrisin aftësitë dhe cilësitë, të kualifikohen. Kjo është rruga për të pasur një rini të aftë, të sigurt. Sa shumë të rinj e të reja e bëjnë gjumin me dhimbje koke se si do përballojnë koston e jetesës, martesën apo ku do jetojnë. Do bëjmë çdo politikë mbështetëse për të rinjtë, familjet e reja. Kjo qeveri prioritet kryesor ka korrupsion. Çështje kjo diferencë me vendet e rajonit, është vjedhje? Vjedhje në dogana e tatime përmes nepotizimit, përmes njerëzve të besuar, është humbje e madhe jo vetëm për buxhetin e shtetit por edhe politikat sociale, jemi vendi që ka rroga më të ulëta në rajon dhe pensione më të ulëta. Lekët nuk kanë shkuar të bëjnë rritje proporcionale të pagave e pensioneve, pro që 1 km rrugë të jetë 6 herë më e shtrenjtë se në Serbi, që të vidhet 6 herë më shumë për 1 km rrugë të re”, tha Rama.
Discussion about this post