Tre persona janë arrestuar dhe katër të tjerë janë vënë në hetim nga policia e Fierit, mëngjesin e kësaj të diele. Bëhet fjalë për të personin e identifikuar me iniciale O. C., 20 vjeç, banues në fshatin Këmishtaj, Divjakë si edhe është vënë në hetim i riu me iniciale A. R., 18 vjeç, banues në Lushnjë, pasi gjatë kontrollit të ushtruar nga Forca e Posaçme “Shqiponja” në automjetin tip “Benz” me të cilin të arrestuarit po udhëtonin, iu gjetën një dorezë metalike dhe një armë pistoletë sportive të cilat i mbanin pa leje.
Po ashtu policia e Fierit ka vënë në pranga edhe personat e identifikuar me iniciale Gj. M., 59 vjeç, banues në Seman, Fier, pasi në fshatin Hamil, duke drejtuar motomjetin pa leje drejtimi është përplasur me automjetin tip “Renault” me drejtues A. S dhe për pasojë është dëmtuar vet dhe ndodhet në spital jashtë rrezikut për jetën. Si edhe personin A. Gj., 30 vjeçe, banuese në Patos, pasi në fshatin Verbas, duke drejtuar automjetin tip “Volkswagen” ka përplasur të riun me iniciale Sh. Y., 55 vjeç, banues në Patos, i cili po udhëtonte me biçikletë dhe ndodhet në spital nën kujdesin e mjekëve.
Prangave të policië nuk u ka shpëtuar as personi i identifikuar si A. H., 28 vjeç, banues në Patos, pasi gjatë mbrëmjes së djeshme pas një konflikti për motive të dobëta, i ka marrë portofolin me një sasi të vogël parash V. Sh.
Po nga këto struktura është vënë edhe personi M. S., 54 vjeç, banues në Baltëz, Fier pasi për motive të dobëta ka goditur M. P.
