Detaje të reja janë zbardhur nga krimi makabër në Roskovec ku Xhevahir Hoxha vrau nusen dhe më pas veten disa ditë më parë. Vëllai i autorit, rrëfeu se bashkëshortja e tij ishte në kuzhinë në momentin kur 61-vjeçari vrau me sfurkë bashkëjetuesen e të birit, Merushe Hazizin. Sipas tij, ajo kishte dëgjuar zërat e Merushes për ndihmë por s’kishte ndërhyrë nga frika.
Ai gjithashtu tregoi se e shoqja e telefonoi duke i kërkuar që të njoftonte Fationin për atë çfarë po ndodhte në banesën e tij. Ndërsa pretendoi se Fation Hoxha e donte me mish e me shpirt Merushen, dhe se kurrë nuk e ka dhunuar të atin.
“Bashkëshortja ishte në kuzhinë. Dëgjoi zëra për ndihmë”, tha ai.
A ka pasur frikë nga Xhevahiri?
“Ka pasur, ishte grua, vetëm. Nuk kishte burra, unë po vija nga puna, më merr në telefon duke qarë thotë: Ku je, merr Fationin. Ai sapo kishte ikur në punë me zetor. E mora në telefon dhe i tregova. Unë po vija nga puna. Kemi folur me vëllain, por nuk merrte vesh. Edhe për konfliktin kemi folur. Jo, Fationi se dhunonte kurrë babain e tij, është djalë shumë i mirë. Ai e donte shumë Merushen, me mish e me shpirt”, u përgjigj vëllai i autorit.
Discussion about this post