Edhe pas situatës së trazuar brenda “Big Brother VIP”, publiku vijon të mbështesë këngëtarin Luiz Ejlli, i cili ndodhet brenda shtëpisë. Kjo mund të kuptohet fare lehtë, në rast se bëhet një vëzhgim fare i shkurtër në rrjetet sociale. Në pak minuta mund të shohësh dhjetra postime të qytetarëve, që dalin në mbështetje të Luizit, i cili po kalon një moment të vështirë.
Së fundmi, për Luizin është ngritur një parashutë, që mban një mesazh shumë të fortë, por produksioni e ka ndaluar që banorët të shohin. Atyre u është dhënë një komunikim me shpejtësi se duhet të mbyllen në dhomën e gjumit, pasi po vjen një parashutë.
Nuk dihet nëse Luizi e ka marrë mesazhin për mbështetjen e madhe, por produksioni nuk është hera e parë që e luan këtë gjë.
Edhe ditën e djeshme, Luizit iu ndalua qëndrimi në oborr, për të parë dronin që i kishin dërguar. Kujtojmë se këngëtari është në nominim për ditën e shtunë dhe rrezikon largimin, nëse mbështetësit nuk e votojnë.
Discussion about this post