Vjen reagimi i Albin Kurtit: Situata në veri duhet të qetësohet

Kryeministri i Kosovës, Albin Kurti, ka deklaruar se situata në veri duhet të qetësohet dhe të zbatohet Marrëveshja Bazike e 27 shkurtit në Bruksel.

Kështu ka deklaruar Kurti në ‘Twitter’, teksa ka njoftuar se një gjë të tillë ia ka thënë kryediplomatit italian, Antonio Tajani, përgjatë një bisede telefonike me të.

“Bisedova në telefon me kryediplomatin italian Antonio Tajani më herët sot. Që të dy u pajtuam se situata aktuale sjell nevojën e implementimit të Marrëveshjes Bazë dhe se situata në veri duhet qetësuar”, deklaroi Kurti në ‘Twitter’.