Këngëtari Ricky Martin i ka dhënë fund lidhjes së tij me partnerin piktor, Jwan Yosef. Mediat e huaja raportojnë se Martin dhe Yosef janë divorcuar pas gjashtë vitesh martesë.
Të dy e njoftuan vendimin në një deklaratë të përbashkët, ku ndryshe nga ndarjet e tjera dyshja ka vendosur të ketë një marrëdhënie të fortë miqësore dhe janë shprehur mirënjohës për dashurinë që i kanë dhënë njëri-tjetrit gjatë viteve të martesës.
“Dëshira jonë më e madhe tani është të vazhdojmë të kemi një dinamikë të shëndetshme familjare dhe një marrëdhënie të përqendruar në miqësinë tonë, ndërsa ndajmë edukimin e fëmijëve tanë. Si gjithmonë, ne jemi mirënjohës për gjithë dashurinë dhe mbështetjen që kemi marrë gjatë gjithë kohës nga martesa jonë. Jemi në paqe dhe qetësi të plotë ndërsa fillojmë këtë kapitull të ri në jetën tonë,”– u shpreh këngëtari.
Përveç bashkë-prindërimit të dy fëmijëve të tyre, Ricky Martin do të vazhdojë të rrisë djemtë e tij binjakë Matteo dhe Valentino, të lindur në vitin 2008, kur ai ishte një prind i vetëm.
Kujtojmë se këngëtari i njohur i muzikës latine Ricky Martin do të performojë në Tiranë më 20 korrik, në një koncert që vjen në kuadër të turit të tij “Ricky Martin Symphonic”.
Discussion about this post