Kryebashkiaku i Memaliajit, Albert Malaj, po përdor fondin e caktuara për familjet rome për pazare me nipin e politikanit Saderi Abazi. Kryetari ka premtuar se do të bëjë riparimin e banesave të këtyre familjeve, tenderi që ka shumë mangësi dhe është zhvilluar në kundërshtim me ligjin.
Po flasim për prokurimin që ka si objekt ‘Përmirësimi i kushteve të banimit për komunitetet e pafavorizuara, Bashkia Memaliaj’ dhe fond limit 340 milionë lekë. Në dokument nuk përcaktohet se çfarë ndërhyrjesh do të bëhet në 40 banesa, madje as gjendja e tyre ekzistuese, gjithsesi bëhet fjalë për punime muresh dhe çatish.
Por, sikur të mos mjaftojnë këto boshllëqe në dokumentet e tenderit, Hoxha ka shkelur rregullat në procesin e zhvillimit të garës, duke përfituar kështu nga fondi i fryrë i lënë në dispozicion.
Sipas dokumenteve, në fazën e parë kanë dorëzuar oferta 7 kompani, të gjitha të njohura për pjesëmarrje në tenderë të mëdha për ndërtim banesa dhe rrugës, madje disa prej tyre janë përfitues edhe të procesit të rindërtimit.
Komisioni i Malajt nuk është munduar të bëjë vlerësimin, por 4 prej ofertave i ka skualifikuar që në fazën e parë me argumentin se nuk kanë paraqitur dokumente për punë të ngjashme të realizuara më parë. Menjëherë më pas janë përjashtuar edhe 2 oferta të tjera. Kështu 6 konkurrentë u përjashtuan nga gara dhe mbeti vetëm oferta e firmës ALKO IMPEX CONSTRUCTION, në pronësi të Arbër Abazit.
Në datë 5 shtator 2024, kur ishte parashikuar që të mbahej gara iu dha tenderi Abazit, pasi nuk kishte konkurrent përballë. Më datë 26 shtator kur kjo kontratë abuzive u publikua dhe është regjistruar në APP, i është vënë Flamuri i Kuq nga Open Data Albania.
Kjo është shenja e riskut të korrupsionit.
Biznesmeni Abazi, si nipi i ish-deputetit Sadri Abazi, vazhdon të përfitojë fonde përmes favorizimit në tendera. Për disa kohë Abazi bëri pauzë, pasi plasën denoncimet për skandalet e tenderëve të pastrimit në spitale. Gjithçka mbeti në denoncimet që bëjnë mediat, por asnjë masë nuk u mor. Ndërkohë Abazi për vite me radhë u pasuara me tenderët e pastrimit, tani i është kthyer parave të ndërtimit!
Romët jashtë, Malaj kërkon të strehojë afrikanët!
Ndërkohë kujtojmë se kryetari Malaj që, sot abuzon me paratë e taksapaguesve, vitin e shkuar ka bërë zemërgjerin dhe ka mbështetur marrëveshjen e shumë përfolur Shqipëri-Itali për emigrantë afrikanë.
Malaj në dhjetor të vitit 2023 i ka dërguar një letër kryeministrit Edi Rama, me anë të së cilës i kërkonte që të strehojë një pjesë të emigrantëve afrikanë që pritet të vijnë në vendin tonë nga marrëveshja me Italinë.
“Bashkia Memaliaj shpreh gatishmërinë e saj për te strehuar një pjese te emigranteve nisur dhe nga eksperienca e fituar ne vitin 98 duke strehuar dhe treguar traditën e mikpritjes ndaj vëllezërve tanë te Kosovës, mbështetur ne dakortësimin e komunitetit i cili është i gatshëm për te dhënë kontribut pozitiv në jetesën e emigranteve, zotërimi i hapësirave dhe ambienteve te përshtatshme akomoduake, si dhe pozicionimi i favorshëm i territorit te bashkisë ne afërsi te portit te Vlorës dhe Sarandës.”, shkruante ai në letër.
Por sikur nga ajo kohë të kishte menduar pak për familjet rome në Memaliaj, deri më tanoi do t’i kishte sistemuar të gjitha familjet!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post