Presidentja e Kosovës, Vjosa Osmani ditën e djeshme shkarkoi 12 ambasadorë të vendit në gjithë botën. Mes tyre është edhe ambasadori në Maqedoninë e Veriut, pas shkarkimit të Gjergj Dedaj.
Me shkarkimin e Dedajt nga postimi i ambasadorit në Shkup, Ambasada e Kosovës ka mbetur pa ambasador. E zëvendës shef i misionit në vendin fqinj të Kosovës është Prindon Sadriu, bashkëshorti i Presidentes Vjosa Osmani.
Me largimin e Dedajt nga ambasada, shef i misionit diplomatik të Kosovës në Maqedoni në cilësinë e të ngarkuarit të përkohshëm me punë është bashkëshorti i Presidentes Osmani.
Sadriu do të jetë shef i përkohshëm i Ambasadës deri në emërimin e ambasadorit të ardhshëm kosovar në Shkup. Prindon Sadriu është diplomat i karrierës në Ministrinë e Punëve të Jashtme.
