Presidentja e Kosovës, Vjosa Osmani ka uruar gratë dhe vajzat për 8 Mars, Ditën Ndërkombëtare të Gruas, e cila shënohet edhe në Kosovë me aktivitete të ndryshme.
Osmani u shpreh se në këtë ditë shënojmë arritjet e grave dhe vajzave si dhe përpjekjet e jashtëzakonshme të tyre në Kosovë dhe kudo në botë për të drejta të barabarta.
Ajo tha se sot kujtojnë të gjitha ato gra e vajza që s’janë në mesin tonë, e të cilat sipas saj, u shndërruan në simbol rezistence, lufte dhe angazhimi për liri e barazi.
“Forca, qëndrueshmëria dhe zelli juaj i pashoq për emancipim të vazhdueshëm, zhvillim e barazi qëndron fort në themelet e Republikës sonë.
Sot, nesër dhe çdo ditë, me ju dhe për ju”, shkruan Osmani.
Discussion about this post