Presidenti i rusisë, Vladimir Putin është bërë meme në rrjete sociale me shprehjen “Vladi daddy të lutem anuloje luftën”. Ky është një nga mesazhet e shumtë që përdoruesit e instagram i kanë bërë presidentit.
Me batuta dhe humor ata i kërkojnë Putin të mos bëjë realitet supozimet për luftë, duke i sugjeruar paqen dhe dialogun.
“Mos e bëj, nuk mund të vazhdojmë të debatojmë kështu, nuk është e shëndetshme për marrëdhënien tonë”, shkruan një tjetër përdorues, ndërsa shumë i referohen karakterit të tij: “Ne e dimë që thellë në zemër je njeri i mirë”.
Nga ana tjetër, teksa parlamenti ukrainas pritet të shpallë gjendjen e jashtëzakonshme, ministri i Jashtëm i Ukrainës, Dmytro Kuleba, ka bërë një deklaratë të fortë teksa ka folur në Asamblenë e Përgjithshme të Kombeve të Bashkuara. Ai ka bërë thirrje për veprime të shpejta, konkrete dhe të vendosura kundrejt Rusisë.
Ministri ka deklaruar se jemi në një pikë kritike në historinë botërore dhe se sipas tij “veprimet e botës sot do të vendimtare për dekadat e ardhshme”.
Së fundmi, politikani ukrainas bënë me dije se një gabim në këtë situatë të tensionuar mes Rusisë dhe Ukrainës, mund të sjellë një luftë të mundshme botërore. Ai thotë se të gjithë “kemi lexuar për gabimet që kanë bërë politikanët në prag të luftërave të tjera botërore” dhe u kërkon vendeve të mos përsërisin gabimet e së kaluarës.
Discussion about this post