Kjo po ndodh me “Babë” Ramën, “Babë” Berishën dhe ndjekësit e tyre! Timothy Snyder në librin e tij ‘On Tyranny’, best-seller i ‘Neë York Times’ prej shumë muajsh, paralajmëron se kur qytetarët projektojnë pritshmëritë e tyre politike, frikërat dhe shpresat te një figurë e vetme – një “baba politik” – ata heqin dorë nga përgjegjësia personale për demokracinë.
Ja si shtjellohet kjo ide:
– Varësia ndaj liderit: Kur njerëzit ndihen të shpëtuar ose të mbrojtur nga një lider “i fortë”, ata dorëzojnë fuqinë e tyre qytetare. Ata nuk mendojnë më kritikisht, nuk mbajnë më qëndrime të pavarura. Fillon adhurimi, jo pjesëmarrja demokratike.
– Paraliza kolektive: Në vend që një shoqëri të përballet me dështimet, korrupsionin apo padrejtësitë, ajo i mohon ato për të mbrojtur figurën e liderit. Çdo kritikë shihet si sulm, jo si mundësi për përmirësim.
– Mungesa e përgjegjësisë: Demokracia kërkon pjesëmarrje, kujdes të përditshëm, kontroll ndaj pushtetit. Por varësia nga një lider “i pathyeshëm” i zhduk këto mekanizma.
Snyder thotë: mos kërko baballarë, sepse kur njerëzit kërkojnë një baba politik, zakonisht përfundojnë nën pushtetin e një tirani. Demokracia është marrëdhënie mes të barabartësh, jo një familje me autoritet absolut. E gjitha kjo duket si një paralajmërim e frikshëm i Snyder për atë që po ndidh aktualisht me demokracinë shqiptare, PS-në dhe PD-në.
Discussion about this post