Një kompjuter ka simuluar rezultatin e Euro 2024, për 10 mijë herë me radhë dhe i ka dhënë një goditje kombëtareve të mëdha ndërsa zbulohen fituesit më të mundshëm.
Sipas rezultateve, fituesi më i mundshëm i turneut është Portugalia që ka 15% shanse për të ngritur trofeun.
Anglia renditet e dyta në listë me 12% shanse për të fituar e ndjekur nga Franca me 11%.
Në këtë renditje Shqipëria zë vendin e parafundit, me 0.13% mundësi për të fituar trofeun.
Makineria parashikoi gjithashtu rezultatin e secilit grup. Aty ku bën pjesë Shqipëria favorite kanë rezultuar Spanja si e para dhe Kroacia ndjekëse. Italia renditet e treta ndërsa në fund kombëtarja shqiptare.
Ky është thjeshtë një parashikim dhe nuk pretendohet që rezultatet të jenë parashikimi i realitetit.
Për të arritur në këto përfundime, kompjuteri ka analizuar 10 mijë herë të dhënat që vijnë nga 5, 10, 20 ndeshjet e fundit, rënditja botërore, performanca në finalet e Europianit, në kualifikuese, sa pikë janë fituar në çdo ndeshje sa gola janë shënuar apo janë pësuar.
Gjithsej kompjuteri ka analizuar më shumë se 1800 ndeshje nga finalet e Europianit, kualifikueset dhe Liga e Kombeve.
Në bazë të këtyre të dhënave kompjuteri ka analizuar edhe ndeshjet e ardhshme të Europianit për të nxjerrë rezultatin përfundimtar.
Discussion about this post