Skuadra e Laçit ka fituar ndeshjen kundër Vllaznisë me rezultatin 2-0 në javën e 26-të të Kategorisë Superiore në Shqipëri. Golat janë shënuar nga Guindo në minutat 31 dhe 41 të ndeshjes.
Me këtë fitore, skuadra e Laçit ka arritur të largohet nga zona e mbijetesës dhe Vllaznia duket se është në një periudhë krize. Goli i dytë i shënuar nga Laçi erdhi menjëherë pas rastit të humbur nga Hoxhaj.
Jonuzi ishte gjithashtu shumë pranë golit që mund të kishte rihapur ndeshjen por Vllaznia merr një rezultat tjetër zhgënjyes dhe tashmë shpresat për titullin kampion veniten edhe më shumë me 37 pikë në klasifikim dhe vendin e katërt, e parapritë edhe nga Erzeni ndërsa Laçi shkon në kuotën 33 dhe shkëputet me 5 pikë nga Bylisi i zonës së ftohtë.
Është mbyllur pa fitues ndeshja tjetër e javës së 26 të Superiores, ajo mes Egnatias dhe Teutës,. Në “Arena Egnatia” ishin vendasit që morën avantazhin të parët, me anë të mesfushorit Kasa në minutën e 26’.
Megjithëse durrsakët ia dolën të rikthejnë baraspeshën vetëm 12 minuta më vonë me sulmuesin shkodran Ildi Gruda, rezultati mbeti i pandryshuar deri në fund të takimit.
Discussion about this post