Lirdon Latifi është zyrtarisht futbollist i Vllaznisë. Ka qenë klubi shkodran që nëpërmjet një njoftimi në faqen zyrtare, ka prezantuar goditjen e bujshme në merkato.
Latifi ka firmosur një kontratë 2-vjeçare, teksa vlen të theksohet fakti se Vllaznia fitoi garën me Tiranën, për shërbimet e ish-yllit të Skënderbeut.
NJOFTIMI I KLUBIT:
ZYRTARE: LIRIDON LATIFI FIRMOS PËR VLLAZNINË
KF Vllaznia bën të ditur se pasditen e sotme ka arritur marrëveshjen me futbollistin Liridon Latifi. Me këtë futbollist është firmosur një kontratë dyvjeçare dhe shpresojmë që ai të tregojë vlerat e tij më të mira ashtu siç ka bërë edhe në skuadrat e tjera me të cilat ka luajtur më përpara.
Mirë se erdhe te Vllaznia Liridon!
