Vllazina do presë sot në ‘Loro Boriçi’ skuadrën qipriote të AEL Limassol, me të cilën do zhvillojë ndeshjen e kthimit të turit të dytë të Conference League, pasi të parën e humbi me rezultatin 1-0.
Takimi do të startojë në orën 21:00 dhe shkodranët do tentojnë gjithçka për të përmbysur rezultatin e parë.
Në këtë takim ekipi shqiptar vjen me mungesa shumë të rëndësishme siç janë Da Silva, i cili është i dëmtuar dhe Gjurgjeviç, i cili ka plotësuar numrin e kartonave të verdhë.
Gjendur në një situatë të tillë trajneri Thomas Brdariç duhet të mendojë për zëvendësuesit e titullarëve dhe duket se ky është momenti i Liridon Latifit. Ishte vetë trajneri ai i cili e konfirmoi gjatë konferencës së ditës së djeshme.
Kjo është ndeshja që shkodranët duhet të tregojnë veten, pasi rikujtojmë që në takimin e parë me skuadrën qipritote gjysma e ekipit të Vllaznisë kishte probleme të rënda shëndetësore./Gijotina.com
