Vllaznia dhe Laçi kanë zhvilluar ditën e sotme miqësore, për të qenë gati për nisjen e Superiores. Shkodranët u përballën me Dinamon në Pogradec dhe barazuan 1-1.
Kuqeblutë kaluan të parët në avantazh me anë të sulmuesit vlonjat Ardit Hoxhaj, kurse e kryeqytetit barazuan në fillim të pjesës së dytë me brazilianin Denisson, i cili nuk fali me penallti.
Më e thjeshtë ishte për skuadrën e Laçit, që fitoi me rezultatin 3-1 kundër skuadrës së Luzit. Spahiu dhe Roganovic shënuan në pjesën e parë, kurse Geci realizoi në fraksionin e dytë të lojës.
Discussion about this post