Vllaznia nuk gabon, shkodranët marrin tre pikët e radhës ndaj Skënderbeut

Ndeshja e javës së 13-të mes Vllaznisë dhe Skënderbeut është mbyllur me fitoren e pastër të shkodranëve, me rezultatin 2-0.

Të besuarit e Thomas Brdariç shënuan që në minutën e 23-të me Hoxhajn, i cili shpërdori një mundësi për të dyfishuar në minutën e 32-të.

Skënderbeu filloi të ushtronte presion ndaj shkodranëve dhe Mensah provoi të djathtën në minutën e 53-të nga distanca, por topi u devijua jashtë kuadratit.

Një minutë nga koha e rregullt Vllaznia arriti të shënonte edhe të dytin me Aralicën, duke vijuar serinë e fitoreve.

Me tre pikët e radhës shkodranët barazuan Kukësin me 23 pikë në renditje dhe janë vënë në ndjekje të Tiranës kryesuese që nuk e ka luajtur ende ndeshjen e kësaj jave. Skënderbeu mbetet në zonën e ftohtë me 11 pikë, po aq Egnatia që pozicionohet më poshtë.