Demokratët në Vlorë janë organizuar për të marrë pjesë në protestën e opozitës.
Një prej përfaqësuesve të tyre, ka bërë të ditur se ka një numër të kënaqshëm të pjesëmarrësve. Sipas tij, ai që duhet të largohet nga vendi është kryeministri Edi Rama dhe sekti i tij.
‘Sot është një ditë e mbarë pasi opozita ka thirrur protestën. Të rinjtë do jenë në shesh, në këmbë. Ky sekt që ka kapluar ka shkaktuar hemorragji në largimin e të rinjve.
Organizimi është i jashtëzakonshëm. Pjesmarrja është mesazh hyjnor që do japin shqiptarët nga ai shesh, jam besimplotë. Duhet të largohet Rama, sekti dhe çaktejt e korrupsionit.’- tha i riu.
Opozita proteston sot në orën 12:00 në atë që e ka cilësuar si siparin e një revolucioni për largimin e qeverisë Rama, pas disa aferave mes të cilave edhe ajo e McGonigal. PD ka thënë se protesta do të jetë masive, madje në një letër drejtuar policisë së Tiranës, flitej për rreth 100 mijë protestues.
Një pjesë e tyre do të jenë para selisë së PD-së, të cilët do të shoqërojnë kreun demokrat Sali Berisha drejt selisë së Kryeministrisë. Policia e Shtetit ka mobilizuar rreth 1200 efektivë për mbarëvajtjen e protestës së opozitës, e cila do të mbahet këtë të shtunë para Kryeministrisë.
Discussion about this post